ინფორმაცია ყატარის სახელმწიფოში გამგზავრების მსურველი საქართველოს მოქალაქეებისთვის
საქართველოს მოქალაქეს ყატარის სახელმწიფოში ტურისტული მიზნით გამგზავრების შემთხვევაში, 30 დღიანი ვიზის მიღება შეუძლია ყატარის სასაზღვრო გამშვებ პუნქტზე.
მოქალაქემ საზღვარზე უნდა წარადგინოს შემდეგი დოკუმენტები:
- პასპორტი მოქმედი შემდეგი 6 თვის მანძილზე;
- დახურული ბილეთი;
- სასტუმროს ჯავშანი;
- საკმარისი თანხა ყატარის სახელმწიფოს ტერიტორიაზე ყოფნის პერიოდში (1500 აშშ $);
- ვიზის საფასური - 100 QAR (ყატარის რიალი);
იმ შემთხვევაში, თუ საქართველოს მოქალაქე გეგმავს ყატარის სახელმწიფოში სხვა მიზნით გამგზავრებას (სამუშაო ვიზიტი, კონფერენციაში მონაწილეობის მიღება, სასტუმრო, ბიზნეს, ტრანზიტული, სასწავლო, და სხვა), მას ესაჭიროება ყატარის ვიზა.
ყატარის ვიზები გაიცემა ქ. თბილისში ყატარის სახელმწიფოს საელჩოს საკონსულო სამსახურის მიერ.
მგზავრობის მიზნიდან გამომდინარე, დამატებითი ინფორმაცია იხილეთ ყატარის საელჩოს ვებ-გვერდზე: http://tbilisi.embassy.qa/en/services/consular-services
ქ. თბილისში ყატარის სახელმწიფოს საელჩოს მისამართი:
ლვოვის ქ. 17, 0160 თბილისი, საქართველო
ტელ: (+995 32) 224-44-90/91
ელ. ფოსტა: tbilisi@mofa.gov.qa
ვებ-გვერდი: http://tbilisi.embassy.qa/en
ყატარის სახელმწიფოს საგარეო საქმეთა სამინისტროს ვებ-გვერდი: https://www.mofa.gov.qa