აერთაშორისო კულტურულ და ჰუმანიტარულ ურთიერთობათა დეპარტამენტი

დირექტორი: ქეთევან კანდელაკი
ტელ: (+995 32) 294 5000 - 19 01

ძირითადი ამოცანები და ფუნქციები:

  • კულტურის, განათლების, მეცნიერების, კულტურული და ისტორიული მემკვიდრეობის დაცვის სფეროებში საქართველოს საგარეო ურთიერთობათა კოორდინაცია და თანამშრომლობის ხელშეწყობა;
  • საზღვარგარეთ ქართული კულტურის, სულიერი და მატერიალური მემკვიდრეობის პოპულარიზაცია და ჩვენი ქვეყნის სამეცნიერო და ინტელექტუალური პოტენციალის წარმოჩენა, ამ მიზნით უცხოეთის ქვეყნებში საქართველოს დღეების, ხელოვნებისა და სამეცნიერო სფეროებში გამოფენების მომზადება-მოწყობაში სხვადასხვა უწყებების ხელშეწყობა, შესაბამისი წინადადებებისა და რეკომენდაციების მომზადება;
  • საზღვარგარეთ არსებული საქართველოს კულტურული და ისტორიული მემკვიდრეობის დაცვის სფეროში შესაბამისი საქმიანობის ხელშეწყობა და სათანადო წინადადებათა და რეკომენდაციათა მომზადება;
  • საზღვარგარეთ მცხოვრებ თანამემამულეებთან, ქართულ სათვისტომოებთან, აგრეთვე სხვადასხვა ქვეყნებში მოქმედ საქართველოსთან მეგობრობის საზოგადოებებთან და ჯგუფებთან თანამშრომლობის განვითარების, საზღვარგარეთ არსებული ქართველოლოგიური და ქართული კულტურის ცენტრების ჩამოყალიბებისა და მათი საქმიანობის ხელშეწყობა;
  • საზღვარგარეთ არსებული საქართველოს კულტურული და ისტორიული
  • მემკვიდრეობის დაცვისა და დიასპორებთან კავშირების სფეროებში საზღვარგარეთის ქვეყნებთან და საერთაშორისო ორგანიზაციებთან ურთიერთობათა განვითარების ხელშეწყობა და შესაბამისი რეკომენდაციებისა და წინადადებების მომზადება;
  • გაერთიანებული ერების განათლების, მეცნიერებისა და კულტურის ორგანიზაციასთან (შემდგომში- „UNESCO“) თანამშრომლობის კოორდიანაცია, UNESCO ეროვნული კომისიის სამდივნოს ფუნქციების განხორცილება და მისი საქმიანობის დიპლომატიური უზრუნველყოფა; UNESCO-ს შტაბ-ბინასა და UNESCO-ში საქართველოს მუდმივ წარმომადგენლობასთან თანამშრომლობა;
  • UNESCO-ს კომპეტენციის სფეროებში საერთაშორისო კონვენციებთან საქართველოს მიერთების პროცესის კოორდინაციის ხელშეწყობა;
  • UNESCO-ს მმართველი და დამხმარე ორგანოების არჩევნებში საქართველოს
  • მხრიდან კანდიდატურების წარდგენასთან და არჩევნებში სხვა ქვეყნების კანდიდატების მხარდაჭერასთან დაკავშირებით წინადადებებისა და რეკომენდაციების მომზადება;
  • UNESCO-ს გენერალური კონფერენციის, აღმასრულებელი საბჭოსა და UNESCO-ს სხვა ორგანოებისა და კომიტეტების სხდომების მუშაობაში საქართველოს დელეგაციის მონაწილეობის საერთო კოორდინაცია:
  • კომპეტენციის ფარგლებში სხვა საერთაშორისო სამთავრობო და
  • არასამთავრობო ორგანიზაციებთან კულტურის, განათლებისა და მეცნიერების სფეროში თანამშრომლობის განვითარების ხელშეწყობა;
  • დადგენილი წესით, კულტურის, განათლების, მეცნიერების, კულტურული მემკვიდრეობის დაცვის სფეროებში საერთაშორისო ხელშეკრულებების და სხვა შესაბამისი დოკუმენტების პროექტების დადების, შესრულების, შეწყვეტისა და მოქმედების შეჩერების თაობაზე წინადადებათა მომზადება.