ორმხრივი ურთიერთობები საქართველოსა და იორდანიის ჰაშიმიტურ სამეფოს შორის

დიპლომატიური ურთიერთობების ქრონოლოგია

დიპლომატიური ურთიერთობები საქართველოსა და იორდანიის ჰაშიმიტურ სამეფოს შორის დამყარდა 1994 წლის 6 აპრილს.

საქართველოს საგანგებო და სრულუფლებიანი ელჩები იორდანიის ჰაშიმიტურ სამეფოში

  • ბატონი ზაზა კანდელაკი  - (2018 წლის 25 ოქტომბრიდან - დღემდე);
  • გრიგორ ტაბატაძე (2014-2018);
  • ზურაბ ერისთავი (2009-2013);
  • ეკატერინე მაიერინგ-მიქაძე (2004-2009).

იორდანიის ჰაშიმიტური სამეფოს საგანგებო და სრულუფლებიანი ელჩი საქართველოში (რეზიდენციით ქ. ბაქო)

  • ბატონი ნასსარ ჰაბაშნე  (2015 წლიდან - დღემდე).  

თანამშრომლობის სფეროები

საქართველოსა და იორდანიის ჰაშიმიტურ სამეფოს შორის თანამშრომლობა ვითარდება როგორც ორმხრივ, ასევე მრავალმხრივ ფორმატში. აღსანიშნავია, რომ 2004 წლიდან იორდანიის ჰაშიმიტურ სამეფოში ფუნქციონირებს საქართველოს დიპლომატიური წარმომადგენლობა, რომელიც ხელს უწყობს ორ ქვეყანას შორის არსებული მეგობრული კავშირების განმტკიცებას.

საქართველოსა და იორდანიის ჰაშიმიტური სამეფოს საგარეო უწყებებს შორის არსებობს ორმხრივი პოლიტიკური კონსულტაციების პრაქტიკა. ამასთან, ბოლო წლებში განხორციელდა არაერთი სხვადასხვა დონის, მათ შორის მაღალი დონის ვიზიტი როგორც იორდანიის ჰაშიმიტურ სამეფოში, ისე საქართველოში.

საქართველოსა და იორდანიის ჰაშიმიტური სამეფო თანამშრომლობენ პარლამენტთაშორის დონეზე. უკანასკნელი წლების განმავლობაში ქვეყნებს შორის თანამშრომლობა ასევე ვითარდება ეკონომიკის, კულტურის, განათლების და ტურიზმის სფეროებში.

 

ბმულები

იორდანიის ჰაშიმიტური სამეფოს სამეფო კარი - https://kingabdullah.jo/en

იორდანიის ჰაშიმიტური სამეფოს მთავრობა - http://www.pm.gov.jo/

იორდანიის ჰაშიმიტური სამეფოს საგარეო საქმეთა და ექსპატრიატთა სამინისტრო - http://www.mfa.gov.jo/