ურთიერთობები საქართველოსა და სლოვაკეთის რესპუბლიკას შორის

დიპლომატიური ურთიერთობების ქრონოლოგია:

საქართველოსა და სლოვაკეთის რესპუბლიკას შორის დიპლომატიური ურთიერთობები დამყარდა 1993 წლის 1 იანვარს.

2006 წელს სლოვაკეთის რესპუბლიკაში გაიხსნა საქართველოს საელჩო.

2014 წელს საქართველოში გაიხსნა სლოვაკეთის საელჩო.

საქართველოს საგანგებო და სრულუფლებიანი ელჩები სლოვაკეთის რესპუბლიკაში:

  • რევაზ გაჩეჩილაძე  2016 - დღემდე;
  • ალექსანდრე ნალბანდოვი  2011 - 2016;
  • ნიკოლოზ ნიკოლოზიშვილი  2006 – 2011;
  • ზაურ გამსახურდია (რეზიდენციით თბილისი) 2004 – 2005;
  • გიორგი არსენიშვილი (რეზიდენციით ვენა)  2001 – 2004.

სლოვაკეთის რესპუბლიკის საგანგებო და სრულუფლებიანი ელჩები საქართველოში:

  • პაველ ვიზდალი (Pavel Vízdal) (საქმეთა დროებითი რწმუნებული) 2018 - დღემდე;
  • რუდოლფ მიხალკა (Rudolf Michalka) (საქმეთა დროებითი რწმუნებული, შემდგომ - ელჩი) 2014 - 2018;
  • მილან ზახარი (Milan Zachar) (რეზიდენციით თურქეთი) 2012 – 2014;
  • ვლადიმერ იაკაბჩინი (Vladimir Jakabčin) (რეზიდენციით თურქეთი) 2009 – 2011.

საქართველოს საპატიო კონსული სლოვაკეთში, ქ. კოშიცე: ფრანკო პიგოცი (Franco Pigozzi) 2012 – 2016.

საქართველოს საპატიო კონსული სლოვაკეთში (რეზიდენციით პოვაჟსკა-ბისტრიცა) ნოდარ გიორგაძე  2016 - დღემდე.

სლოვაკეთის საპატიო კონსული საქართველოში: ბესარიონ ქვარცხავა 2009 - დღემდე.

თანამშრომლობის ძირითადი სფეროები:

საქართველოსა და სლოვაკეთს შორის თანამშრომლობა დინამიურად ვითარდება როგორც ორმხრივ ფორმატში, ასევე, საერთაშორისო ორგანიზაციების ფარგლებში. 

ორ ქვეყანას შორის არსებული სამართლებრივი ბაზა მოიცავს 10-მდე ხელშეკრულებას, ასევე, უწყებათაშორის შეთანხმებებს, რომელთა მეშვეობით რეგულირდება თანამშრომლობა ეკონომიკის, კულტურის, თავდაცვის და სხვა სფეროებში.

ქვეყნების საკანონმდებლო ორგანოებში ფუნქციონირებს პარლამენტთაშორისი მეგობრობის ჯგუფები.

სლოვაკეთი აქტიურ დახმარებას უწევს საქართველოს განვითარების პროგრამის („Slovak Aid“) ფარგლებში, რომელიც მიზნად ისახავს რეფორმების ხელშეწყობას და  სლოვაკეთის გამოცდილების გაზიარებას ქვეყნის დემოკრატიული ტრანსფორმაციისა და ევროინტეგრაციის პროცესში.

წარმატებით ვითარდება ურთიერთობები კულტურის სფეროში; ინტენსიურად იმართება სხვადასხვა სახის კულტურული ღონისძიებები.

თანამშრომლობა ხორციელდება ორი ქვეყნის უმაღლეს საგანმანათლებლო დაწესებულებებს შორის, როგორც ორმხრივი მემორანდუმების, ისე ერთობლივი საერთაშორისო პროექტების ფარგლებში. ამასთან, ყოველწლიურად, სლოვაკეთის რესპუბლიკის მთავრობა საქართველოს მოქალაქეებისთვის გამოყოფს  სტიპენდიებს სამაგისტრო და სადოქტორო პროგრამებზე სასწავლებლად.

2012 წლიდან კომენიუსის უნივერსიტეტის მთავარ ბიბლიოთეკაში გახსნილია ქართული წიგნის კუთხე, სადაც წარმოდგენილია ათობით ქართველი ავტორის წიგნები.

1968 წლიდან, ამბროლაურის მუნიციპალიტეტი დაძმობილებულია ქალაქ ბრატისლავას რაჭის რაიონის მუნიციპალიტეტთან.


ბმულები:

საქართველოს საელჩო სლოვაკეთში
სლოვაკეთის საგარეო საქმეთა სამინისტრო
სლოვაკეთის პრეზიდენტი
სლოვაკეთის პარლამენტი
სლოვაკეთის მინისტრთა კაბინეტი