ურთიერთობები საქართველოსა და ჩეხეთის რესპუბლიკას შორის

ურთიერთობები საქართველოსა და ჩეხეთის რესპუბლიკას შორის

საქართველოსა და ჩეხეთის რესპუბლიკას შორის დიპლომატიური ურთიერთობები დამყარდა 1993 წლის 1 იანვარს.

2006 წელს ჩეხეთის რესპუბლიკაში გაიხსნა საქართველოს საელჩო.

საქართველოს საგანგებო და სრულუფლებიანი ელჩები ჩეხეთის რესპუბლიკაში:

  • ზაალ გოგსაძე 2013 - დღემდე.
  • ნინო ნაკაშიძე 2008 – 2013;
  • ვლადიმერ ჭიპაშვილი 2007 – 2008;
  • კარლო სიხარულიძე 2006 – 2007;
  • გიორგი არსენიშვილი 2001 – 2004 (რეზიდენციით ვენა).

2000 წელს საქართველოში გაიხსნა ჩეხეთის საელჩო.

ჩეხეთის რესპუბლიკის საგანგებო და სრულუფლებიანი ელჩები საქართველოში:

  • ტომაშ პერნიცკი (Tomáš Pernický ) 2014 - დღემდე.
  • ივან იეჟშტრაბი (Ivan Jestřáb) 2008 – 2013;
  • ირჟი ნეკვასილი (Jiri Nekvasily) 2004 – 2008;
  • იოზეფ ვრაბეცი (Jozef Vrabec) 2008;
  • რუდოლფ სლანსკი (Rudolf Slánsk) 2000 – 2004.

თანამშრომლობის ძირითადი სფეროები:

საქართველოსა და ჩეხეთის რესპუბლიკას შორის ორმხრივი ურთიერთობები დინამიურად ვითარდება, როგორც ორმხრივ ფორმატში, ასევე საერთაშორისო ორგანიზაციების ფარგლებში. ორ ქვეყანას შორის არსებული სამართლებრივი ბაზა მოიცავს ათამდე საერთაშორისო ხელშეკრულებას, რომელთა მეშვეობით რეგულირდება ეკონომიკის, ფინანსების, თავდაცვისა და უსაფრთხოების, კულტურის, განათლების, მეცნიერების, სპორტის და სხვა სფეროებში არსებული ურთიერთობები.

წარმატებით მიმდინარეობს თანამშრომლობა ორი ქვეყნის საკანონმდებლო ორგანოებს შორის. რეგულარად იმართება შეხვედრები კომიტეტების დონეზე. ფუნქციონირებს საპარლამენტთაშორისო მეგობრობის ჯგუფები. მიღებული რეზოლუციებითა თუ დეკლარაციებით, ჩეხეთის პარლამენტს არაერთხელ დაუფიქსირებია საქართველოს სუვერენტიტეტის, ტერიტორიული მთლიანობის და ევროპული მისწრაფებების მტკიცე მხარდაჭერა.

საქართველო ჩართულია ჩეხეთის საგარეო საქმეთა სამინისტროს განვითარების დახმარების პროგრამაში (ODA) და 2010–2017 წლებში, რომლის ფარგლებში ხორციელდება პროექტები ჯანდაცვის, გარემოს და ბუნებრივი რესურესების დაცვის, სოფლის მეურნეობის, სოციალური უსაფრთხოების, მმართველობისა და სამოქალაქო საზოგადოების განვითარების სფეროებში.

საქართველოსა და ჩეხეთის რესპუბლიკას შორის ვითარდება ორმხრივი ეკონომიკური ურთიერთობები, ძირითადად, ენერგეტიკისა და ტურიზმის სფეროებში. ბიზნეს ურთიერთობების დინამიურ განვითარებაზე მეტყველებს 2011-2016 წლებში ჩატარებული ფორუმები და ეკონომიკური კომისიის სხდომები.

აქტიურია თანამშრომლობა განათლების სფეროში. ჩეხეთის მთავრობის მიერ გამოყოფილი სტიპენდიებით ქართველი სტუდენტები განათლებას იღებენ ჩეხეთის უმაღლეს სასწავლებლებში. 2016-2017 წლებისთვის, ჩეხეთის მთავრობამ ქართველი სტუდენტებისთვის 7 სტიპენდია გამოყო ენერგეტიკის, სოფლის მეურნეობის, ეკონომიკის მიმართულებით განათლების მიღების მიზნით.

2015 წელს ჩეხეთის კარლის უნივერსიტეტში დაარსდა ქართული ენისა და კულტურის შემსწავლელი ცენტრი და ქართული ენისა და კულტურის ისტორიის საგანი ოფიციალურად შევიდა სასწავლო პროგრამაში.

ქართული კულტურის პოპულარიზაციის მიზნით, ჩეხეთში რეგულარულად იმართება სხვადასხვა ღონისძიება (კონცერტები, გამოფენები და სხვა).

თბილისში მდებარეობს ჩეხეთის ყოფილი პრეზიდენტის, ვაცლავ ჰაველის სახელობის სკვერი.

ჩეხეთსა და საქართველოში დაძმობილებულია აბაშის მუნიციპალიტეტი და ქალაქი იევიჩკო.


ბმულები:

საქართველოს საელჩო ჩეხეთში
ჩეხეთის საელჩო საქართველოში
ჩეხეთის საგარეო საქმეთა სამინისტრო
ჩეხეთის პრეზიდენტი
ჩეხეთის პარლამენტი
ჩეხეთის მინისტრთა კაბინეტი