ევროპის საბჭოს დაარსების 70 წლის იუბილე

ფოტო-კონკურსი #MakingEurope2019

ევროპის საბჭოს დაარსების 70 წლის იუბილესთან დაკავშირებით ევროპის საბჭო აცხადებს ფოტოკონკურსს #MakingEurope2019. „ევროპის შექმნის 70 წელი: 47 ქვეყანა, 840 მილიონი ადამიანი - ევროპა და ევროპელები დღეს“ “70 years making Europe: 47 countries, 840 million people – Europe and Europeans today”

ევროპის საბჭო დაარსდა 1949 წელს და დღეს, 47 ქვეყანას და 840 მილიონ ადამიანს აერთიანებს. მისი მთავარი ღირებულებებია ადამიანის უფლებები, დემოკრატია და კანონის უზენაესობა. აღნიშნული ფოტო-კონკურსის მიზანია, ხელი შეუწყოს იმ საერთო ფასეულობების გააზრებას, რაც აერთიანებს ქვეყნებს და ხალხს, მათ რეალობას, გამოწვევებს, უკეთესი მომავლის მოლოდინებსა და იმედებს.

კონკურსის წესები: კონკურსში მონაწილეობის მისაღებად, მსურველებმა უნდა შეარჩიონ ქვემოთ მოცემული ერთი ან რამდენიმე კატეგორია, გადაიღონ ფოტო და გამოაქვეყნონ Instagram-ზე. დასაშვებია ერთი ავტორის მიერ ერთზე მეტი ფოტოს წარდგენა ერთ ან რამდენიმე კატეგორიაში. ფოტოს განთავსებისას კონკურსანტებმა უნდა მიუთითონ ევროპის საბჭოს Instagram გვერდი @councilofeurope, გამოიყენონ ჰაშთაგი #MakingEurope2019 და ასევე, მიუთითონ შესაბამისი კატეგორიის ჰაშთაგი:

კონკურსში მონაწილეობა შეუძლია 13 წლის ასაკის ზემოთ ნებისმიერ პირს, რომელიც ცხოვრობს ევროპის საბჭოს წევრ ქვეყანაში. კონკურსი დაიწყება 2019 წლის 4 თებერვალს და გაგრძელდება 2019 წლის 30 აპრილის ჩათვლით.

ჟიური შეარჩევს გამარჯვებულ ფოტოს, მისი ხარისხის და კრეატიულობის მიხედვით, იმ ფოტოებს შორის, რომლებსაც მეტი მოწონება (like) ექნებათ. თითოეულ კატეგორიაში დაჯილდოვდება 1 ფოტო და ასევე კონკურსს ეყოლება 1 საერთო გამარჯვებული. 2019 წლის 30 ივნისს ცნობილი გახდება 6 გამარჯვებულის ვინაობა, რომლებიც მიიღებენ ევროპის საბჭოს სპეციალურ დიპლომს. დიპლომების გადაცემა მოხდება 2019 წლის ოქტომბერში, 70 წლის საიუბილეო თარიღის აღსანიშნავ სპეციალურ ღონისძიებაზე. საუკეთესო ფოტოები და გამარჯვებული ფოტოები გამოიფინება სტრასბურგში, ევროპის საბჭოში.

იხილეთ ფოტო კონკურსის ოფიციალური ვებ-გვერდი: https://70.coe.int/photo-competition

შეკითხვების შემთხვევაში დაუკავშირდით: photo.competition@coe.int