მიხეილ ჯანელიძე ავსტრიის რესპუბლიკის ევროპის, ინტეგრაციისა და საგარეო საქმეთა ფედერალურ მინისტრს სებასტიან კურცს შეხვდა

ავსტრიის რესპუბლიკაში ვიზიტის ფარგლებში ა.წ. 3 ივნისს მიხეილ ჯანელიძემ შეხვედრა გამართა ავსტრიის რესპუბლიკის ევროპის, ინტეგრაციისა და საგარეო საქმეთა ფედერალურ მინისტრთან სებასტიან კურცთან.

მხარეებმა განიხილეს ორმხრივ და მრავალმხრივ ფორმატებში თანამშრომლობის ფართო სპექტრი. მინისტრმა ჯანელიძემ მადლობა გადაუხადა ავსტრიელ კოლეგას საქართველოს ევროპული მისწრაფებების, სუვერენიტეტისა და ტერიტორიული მთლიანობის მტკიცე მხარდაჭერისათვის. ორმხრივი თანამშრომლობის კონტექსტში მხარეებმა ხაზი გაუსვეს ეკონომიკური ურთიერთობების შემდგომი გააქტიურების მნიშვნელობას, საქართველოში არსებული ხელსაყრელი ბიზნეს-კლიმატისა და ევროკავშირთან ღრმა და ყოვლისმომცველი თავისუფალი სავაჭრო სივრცის (DCFTA) გათვალისწინებით.

მინისტრები აგრეთვე მიესალმნენ ენერგეტიკის, გარემოს დაცვის, განვითარების, სამართალდაცვით, კულტურის, განათლებისა და სხვა სფეროებში მიმდინარე წარმატებულ თანამშრომლობას და გამოხატეს მზაობა, იმუშაონ აღნიშნული მიმართულებებით პარტნიორობის კიდევ უფრო გაღრმავებაზე. ხაზი გაესვა, რომ თბილისში ავსტრიის რესპუბლიკის საელჩოს გახსნა, რაც 2016 წლის შემოდგომაზე იგეგმება, კიდევ უფრო განამტკიცებს ორმხრივ ურთიერთობებს.

საუბარი ასევე შეეხო ოკუპირებულ ტერიტორიებზე შექმნილ ვითარებას, რეგიონში არსებულ გამოწვევებსა და მეზობელ ქვეყნებთან ურთიერთობებს. მრავალმხრივი თანამშრომლობის კონტექსტში, მხარეებმა ყურადღება გაამახვილეს 2017 წელს ავსტრიის ეუთო-ს თავმჯდომარეობასა და ავსტრიული მხარის სამომავლო როლზე რეგიონში არსებულ გამოწვევებთან გამკლავების საქმეში.

შეხვედრის შემდეგ გაიმართა მინისტრების მიხეილ ჯანელიძისა და სებასტიან კურცის ერთობლივი პრეს-კონფერენცია. 

 

[Error loading the control 'Repeater', check event log for more details]

[DataConnection.HandleError]:

Query:
SELECT TOP 5 * FROM View_CONTENT_News_Joined WHERE [NodeSiteID] = @NodeSiteID AND ((CategoryId=) AND (DocumentID != '14420')) AND ([Published] = @Published AND (NodeAliasPath LIKE N'/News/%') AND [DocumentCulture] = @DocumentCulture) ORDER BY NewsReleaseDate DESC

Caused exception:
Incorrect syntax near ')'.