საგარეო საქმეთა მინისტრის მოადგილე დავით დონდუა საქართველოში ისრაელის სახელმწიფოს ელჩს შეხვდა

2015 წლის 11 ნოემბერს საქართველოს საგარეო საქმეთა მინისტრის მოადგილემ დავით დონდუამ მიიღო საქართველოში ისრაელის სახელმწიფოს საგანგებო და სრულუფლებიანი ელჩი იუვალ ფუქსი.
 
შეხვედრის მთავარ მიზანს წარმოადგენდა საქართველოსა და ისრაელს შორის მრავალმხრივ ფორმატებში თანამშრომლობის აქტუალური საკითხების განხილვა. შეხვედრისას დავით დონდუამ მწუხარება გამოხატა მიმდინარე წლის 6 ნოემბერს ისრაელის მე-5 პრეზიდენტის იცხაკ ნავონის გარდაცვალების გამო.