საქართველოს საგარეო საქმეთა მინისტრი მიხეილ ჯანელიძე სენატორ ტედ ქოქრანს შეხვდა

02.09.2017 აშშ, ვაშინგტონი - ​საქართველოს საგარეო საქმეთა მინისტრი ვაშინგტონში ვიზიტის ფარგლებში ამერიკის სენატში მართავს შეხვედრებს.  

მიხელ ჯანელიძე შეხვდა სენატის ასიგნებების კომიტეტის თავმჯდომარეს ტედ ქოქრანს (რესპუბლიკელი, მისისიპის შტატიდან). შეხვედრაზე სენატორმა კიდევ ერთხელ დაადასტურა ამერიკის კანონმდებლების მხრიდან საქართველოს მტკიცე მხარდაჭერა.
 
მინისტრმა აღნიშნა საქართველოს განვითარების გზაზე ამერიკის შეერთებული შტატების სხვადასხვა ინსტიტუტების დახმარების მნიშვნელობა და სენატორს მადლობა გადაუხადა უშუალოდ მისი კომიტეტის მიერ წლების განმალობაში საქართველოს მიმართ გამოხატული მხარდაჭერისთვის.