ალექსანდრე ხვთისიაშვილი სომხეთის რესპუბლიკის ეროვნული კრების ვიცე-სპიკერს შეხვდა

25 სექტემბერი 2019 თბილისი - საქართველოს საგარეო საქმეთა მინისტრის მოადგილე ალექსანდრე ხვთისიაშვილი  სომხეთის რესპუბლიკის ეროვნული კრების ვიცე-სპიკერს ლენა ნაზარიანს და საქართველო-სომხეთის საპარლამენტო მეგობრობის ჯგუფის წევრებს შეხვდა. შეხვედრაზე მხარეებმა ორ ქვეყანას შორის არსებული ურთიერთობების ფართო სპექტრი მიმოიხილეს.

აღინიშნა, რომ საქართველოსა და სომხეთს შორის სხვადასხვა სფეროში არსებული კავშირები დინამიურად ვითარდება. ხაზი გაესვა ინტენსიური ურთიერთობების მნიშვნელობას, როგორც საპარლამენტო, ასევე აღმასრულებელ ხელისუფლებებს შორის.
საქართველოს საგარეო საქმეთა მინისტრის მოადგილე ალექსანდრე ხვთისიაშვილი მიესალმა სომხეთის თანამშრომლობას ევროკავშირთან, აღმოსავლეთ პარტნიორობის ფარგლებში და აღინიშნა, რომ ამ ფაქტს რეგიონალურ კონტექსტში დიდი მნიშვნელობა აქვს.

თავის მხრივ, სომხეთის რესპუბლიკის ეროვნული კრების ვიცე-სპიკერმა ხაზი გაუსვა საქართველოსა და სომხეთის მრავალსაუკუნოვან ისტორიას და განაცხადა, რომ ვერანაირი გეო-პოლიტიკური ფაქტორები ვერ დარღვევს ამ კავშირს.