დავით ზალკალიანი პორტუგალიაში მცხოვრებ ქართველებს შეხვდა

22.04.2019 ლისაბონი- საქართველოს საგარეო საქმეთა მინისტრი დავით ზალკალიანი ვიზიტით პორტუგალიაში იმყოფება, სადაც დღეს შეხვედრას გამართავს პორტუგალიის საგარეო საქმეთა მინისტრთან აუგუშტუ სანტუშ სილვასთან, პორტუგალიურენოვანი სახელმწიფოების თანამეგობრობის  პრეზიდენტთან ფრანსისკო რიბიეროსთან.

პორტუგალიელ კოლეგასთან შეხვედრისას განხილული იქნება საქართველოსა და პორტუგალიას შორის მიმდინარე თანამშრომლობა, როგორც ორმხრივ, ასევე საერთაშორისო ორგანიზაციების ფარგლებში. ვიზიტის ფარგლებში ხელი მოეწერება შეთანხმებას ტურიზმის სფეროში თანამშრომლობის შესახებ.
 
ვიზიტის ფარგლებში დავით ზალკალიანმა უკვე გამართა შეხვედრა პორტუგალიაში მცხოვრები ქართული დიასპორის წარმომადგენლებთან, სადაც ისაუბრა საქართველოში მიმდინარე პროცესებზე, როგორც საგარეო პოლიტიკის წარმატებებზე, ასევე არსებულ გამოწვევებსა და ქვეყნის განვითარების სამთავრობო ხედვაზე.
 
მინისტრმა დიასპორის წარმომადგენლებს გააცნო სახელმწიფოს მიერ ინიცირებული ცალკეული პროექტები, რომელიც ხელს უწყობს საზღვარგარეთ ქართული დიასპორის გაძლიერებას, მათ შორის საკვირაო სკოლების გამართულ ფუნქციონირებას, დიასპორული პროექტების დაფინანსებას და უცხოეთში მცხოვრებ თანამემამულეებთან ეფექტური კომუნიკაციის ქსელის დამკვიდრებას.
 
შეხვედრაზე მინისტრმა მიმოიხილა ევროკავშირთან ინტეგრაციის წარმატებული პროცესი და განსაკუთრებული ყურადღება გამახვილდა ვიზალიბერალიზაციის გადაწყვეტილების როგორც   პოლიტიკურ ასევე პრაქტიკულ მნიშვნელობაზე, რომლითაც ისარგებლა საქართველოს 600 ათასამდე მოქალაქემ.  დავით ზალკალიანის განცხადებით საზოგადოების გარკვეული ნაწილის მხრიდან ადგილი აქვს ევროკავშირის/შენგენის ზონასთან უვიზო რეჟიმის არამართლზომიერ გამოყენებას, რამაც შესაძლოა გავლენა იქონიოს მის შემდგომ  შენარჩუნებაზე. როგორც შეხვედრაზე  მინისტრმა აღნიშნა საქართველოს მოქალაქეების ნაწილის მხრიდან ევროკავშირის ცალკეულ ქვეყნებში თავშესაფრის მოთხოვნის მცდელობა ფუჭია, რადგან პარტნიორების მხრიდან საქართველო განიხილება უსაფრთხო წარმოშობის ქვეყნად და განაცხადები ფატქობრივად არ კმაყოფილდება. მან ასევე შეშფოთება გამოთქვა ცალკეული პოლიტიკოსების მხრიდან ვიწრო პოლიტიკური ინტერესებისთვის საზღვარგარეთ უკიდურეს გაჭირვებაში მყოფი თანამემამულეების საკითხის გამოყენების გამო. 
 
დავით ზალკალიანის განცხადებით ევროკავშირთან  უვიზო მიმოსვლა მთელი ერის უმნიშვნელოვანესი მონაპოვარია და ყველას ვალია მას გაუფრთხილდეს. მან ქართული დიასპორის წარმომადგენლებს მოუწოდა ამ საკითხზე სწორი კომუნიკაცია ჰქონდეთ საქართველოში დარჩენილ ახლობლებთან. მისივე განცხადებით საქართველოს მთავრობა აქტიურად მუშაობს ევროპელ პარტნიორებთან ცირკულარული მიგრაციის შესახებ შეთანხმებების გაფორმებისთვის, რაც თავის მხრივ შეამცირებს უკანონო მიგრაციას. შეხვედრაზე ხაზი გაესვა პორტუგალიასთან ორმხრივი ურთიერთობების განვითარებაში დიასპორის დიდ როლს და აღინიშნა საზღვარგარეთ საქართველოს საელჩოების აქტიური ჩართულობის მნიშვნელობა დიასპორულ ცხოვრებაში. 


 
 
 
 
 
 
 
 
 
 
[Error loading the control 'Repeater', check event log for more details]

[DataConnection.HandleError]:

Query:
SELECT TOP 5 * FROM View_CONTENT_News_Joined WHERE [NodeSiteID] = @NodeSiteID AND ((CategoryId=) AND (DocumentID != '')) AND ([Published] = @Published AND (NodeAliasPath LIKE N'/News/%') AND [DocumentCulture] = @DocumentCulture) ORDER BY NewsReleaseDate DESC

Caused exception:
Incorrect syntax near ')'.