საქართველოს საგარეო საქმეთა სამინისტროს განცხადება ჩინეთის სახალხო რესპუბლიკის სიჩუანის პროვინციაში მომხდარ მეწყერთან დაკავშირებით

საქართველოს საგარეო საქმეთა სამინისტრო გამოხატავს მწუხარებას, მიმდინარე წლის 24 ივნისს ჩინეთის სახალხო რესპუბლიკის სიჩუანის პროვინციის მაოსიანის მაზრაში ჩამოწოლილ მეწყერთან დაკავშირებით, რომლის შედეგად დაიღუპა ათობით ადამიანი, ხოლო უგზო-უკლოდ დაკარგულად ითვლება 93-მდე ადგილობრივი მცხოვრები.

საქართველოს საგარეო საქმეთა სამინისტრო თანადგომას უცხადებს ჩინეთის სახალხო რესპუბლიკის მთავრობას და ჩინელ ხალხს, უსამძიმრებს დაღუპულთა ოჯახებს, ხოლო დაშავებულებს სწრაფ გამოჯანმრთელებას უსურვებს.