საქართველოსა და მოლდოვას შორის დიპლომატიური ურთიერთობების დამყარების 25 წლისთავთან დაკავშირებით მოლდოვის ეროვნულმა ფოსტამ საიუბილეო საფოსტო მარკა გამოუშვა

მარკის ინაუგურაციის ცერემონია კიშინეუში საქართველოს საგარეო საქმეთა მინისტრის ოფიციალური ვიზიტის ფარგლებში გაიმართა.
 
ორი ქვეყნის საგარეო უწყების ხელმძღვანელმა ხელი მოაწერა სიმბოლურ კონვერტებს, რომელზეც საიუბილეო მარკა იყო დატანილი, რის შემდეგაც მარკა ოფიციალურად მიმოქცევაში გაეშვა.