უკრაინაში ქართული კულტურის ფესტივალი “თბილისობა” საზეიმოდ აღნიშნეს

8.10.2018 უკრაინა- ალაქ კიევშირიგით მე-7 ქართული კულტურის ფესტივალი “თბილისობა” საზეიმოდ აღნიშნეს.

მრავალრიცხოვან დამსწრე საზოგადოებას მისასალმებელი სიტყვით მიმართეს უკრაინაში საქართველოს საგანგებო და სრულუფლებიანმა ელჩმა გელა დუმბაძემ და ფესტივალის ორგანიზატორმა ნატალია სკლიარსკაიამ.

საქართველოს ელჩმა საკუთარ გამოსვლაში ისაუბრა ორი ქვეყნის მჭიდრო და მეგობრულ ურთიერთობებზე  და განსაკუთრებული ყურადღება გაამახვილა საქართველოს ისტორიაზე, მდიდარ კულტურასა და ტრადიციებზე.

ღონისძიების ფარგლებში წარმოდგენილი იყო მრავალფეროვანი კულტურული პროგრამა. მაყურებლის წინაშე წარსდგა მუსიკალური ანსამბლი “სულიკო”.  ასევე, გაიმართა ქართველი დიზაინერის, ეკატერინე ჯავახიშვილის მიერ ეროვნულ მოტივებზე შექმნილი ახალი კოლექციის ჩვენება.

ღონისძიებაში ასევე მონაწილეობა მიიღეს ქართული დიასპორული ორგანიზაცეიბის ცეკვისა და სიმღერის ანსამბლებმა. უკრაინელი მოქანდაკის და რეჟისორის, ივანე კავალერიძის სახლ-მუზეუმში კი სტუმრებს საშუალება ჰქონდათ დაეთვალიერებინათ საქართველოს ელჩის ფერწერული ნამუშევრების გამოფენა, სახელწოდებით " კიევი. აკრილის დღიური". თბილისობის ფარგლებში, ასევე გაიმართა ფილმის "ექვთიმე ღვთისკაცი"- ის ჩვენება, რომელსაც თავად ფილმის რეჟისორი ნიკოლოზ ხომასურიძე დაესწრო.

ტრადიციულად, სტუმრებს შესაძლებლობა ჰქონდათ მონაწილეობა მიეღოთ ქართული ღვინის კომპანიების მიერ ორგანიზებულ დეგუსტაციაში და დაეგემოვნებინათ ქ.კიევში მოქმედი ქართული რესტორნების მიერ წარმოდგენილი კერძები.

ანდრეევსკის დაღმართზე გამართულმა თბილისობამ წელსაც ათასობით ადამიანს უმასპინძლა.