საქართველოს ელჩი პარაგვაის საგარეო საქმეთა მინისტრის მოადგილეს შეხვდა

6.03.2020 პარაგვაი - პარაგვაიში სამუშაო ვიზიტით მყოფმა საქართველოს ელჩმა (რეზიდენციით ქ. ბუენოს-აირესში) ირაკლი ყურაშვილმა, შეხვედრა გამართა პარაგვაის საგარეო საქმეთა მინისტრის მოადგილესთან, ხოსე ანტონიო დოს სანტოსთან.

შეხვედრაზე განხილულ იქნა 2020 წლის მანძილზე საქართველოსა და პარაგვაის შორის დიპლომატიური ურთიერთობების დამყარების 10 წლისთავისადმი მიძღვნილი ღონისძიებების საკითხები, ორმხრივი და მრავალმხრივი თანამშრომლობის მნიშვნელოვანი თემები, საქართველოს ოკუპირებულ რეგიონებში შექმნილი ვითარება და რეგიონული საკითხები.