საქართველოსა და თურქეთს შორის საკონსულო კონსულტაციების ფარგლებში მორიგი შეხვედრა გაიმართა

8.12.2017 ქ. თბილისი - ​საგარეო საქმეთა სამინისტროში საქართველოსა და თურქეთის რესპუბლიკის საგარეო საქმეთა სამინისტროების საკონსულო კონსულტაციების მორიგი - მე-14 შეხვედრა გაიმართა. 

კონსულტაციების  ფარგლებში განხილული იქნა ქვეყნებს შორის საკონსულო სფეროში თანამშრომლობის აქტუალური საკითხები, მათ შორის ორივე ქვეყნის  მოქალაქეებისა და იურიდიული პირების უფლებებისა და კანონიერი ინტერესების დაცვა, სასაზღვრო-გამშვებ პუნქტებზე არსებულ პრობლემატიკა და სხვა.  
 
საკონსულო კონსულტაციებზე საქართველოს დელეგაციას ხელმძღვანელობდა საგარეო საქმეთა სამინისტროს საკონსულო დეპარტამენტის დირექტორი გიორგი ტაბატაძე, ხოლო თურქეთის რესპუბლიკის დელეგაციას ხელმძღვანელობდა თურქეთის საგარეო საქმეთა სამინისტროს საკონსულო საქმეთა გენერალური დირექტორი მეჰმეთ სამსარი.