დიპლომატიური ურთიერთობები საქართველოსა და ნორვეგიის სამეფოს შორის 1918 წელს დამყარდა, რომელიც აღდგა1992 წლის 5 ივნისს.
2022 წელს აღინიშნა დიპლომატიური ურთიერთობების აღდგენის 30 წლის იუბილე.
ნორვეგიის სამეფოში საქართველოს დიპლომატიური წარმომადგენლობა გაიხსნა 2012 წელს, ხოლო საქართველოში ნორვეგიის სამეფოს საელჩო - 2019 წელს.
2006-2012 წლებში საქართველო ნორვეგიის სამეფოს დიპლომატიურ გადაფარვას ახორციელებდა დანიის სამეფოდან.
ნორვეგიის სამეფოს საელჩო საქართველოში
ნორვეგიის სამეფოს საგარეო საქმეთა სამინისტრო
ნორვეგიის სამეფოს პარლამენტი [სტორტინგი]
6 მარტს, ლევან მიქელაძის სახელობის დიპლომატიური სასწავლო და კვლევითი ინსტიტუტის ორგანიზებით, საქართველოს საგარეო საქმეთა სამინისტროში გაიმართა პანელური დისკუსია თემაზე „საქართველოს საგარეო პოლიტიკის პრიორიტეტები“, რომელსაც ოსლოს უნივერსიტეტის 80 სტუდენტი ესწრებოდა.
2023 წლის 30 ნოემბერს, ქ. სკოპიეში მიმდინარე ეუთოს მინისტერიალის ფარგლებში, საქართველოს საგარეო საქმეთა მინისტრი, ილია დარჩიაშვილი ნორვეგიის საგარეო უწყების ხელმძღვანელს, ესპენ ბარტ ეიდეს შეხვდა.
2023 წლის 27 ოქტომბერს, საგარეო საქმეთა მინისტრმა, ილია დარჩიაშვილმა შეხვედრა გამართა ნორვეგიის სამეფოს ელჩთან, ბერგლიოტ ჰოვლანდთან.
