ილია დარჩიაშვილი ქ. რომში ქართული ანბანისადმი მიძღვნილ გამოფენას დაესწრო
2023 წლის 20 აპრილს იტალიის რესპუბლიკაში სამუშაო ვიზიტის ფარგლებში, საგარეო საქმეთა მინისტრი, ილია დარჩიაშვილი, ფლორენციის სასახლის ისტორიულ შენობაში, ქართული ანბანისადმი მიძღვნილ გამოფენას “სამოთხის შეხება” დაესწრო, სადაც წარმოდგენილი იყო კალიგრაფისა და მხატვრის, გიორგი სისაურის ნამუშევრები.
გამოფენის ფარგლებში წარმოდგენილი იყო 38 საზედაო ასოსა და 19 რელიგიურ თემაზე შექმნილი გამოსახულება.
ღონისძიება წმინდა საყდართან საქართველოს საელჩოს ორგანიზებით და „დანტე ალიგიერის საზოგადოების“ მხარდაჭერით გაიმართა.
გამოფენას დიპლომატიური კორპუსის, რომის კურიისა და ქართული დიასპორის წარმომადგენლები ესწრებოდნენ.
2023 წლის 20-23 აპრილს, საქართველოს საგარეო საქმეთა მინისტრი ილია დარჩიაშვილი, სამუშაო ვიზიტით იტალიის რესპუბლიკას სტუმრობს. ვიზიტის ფარგლებში იმართება შეხვედრები იტალიის აღმასრულებელი და საკანონმდებლო ხელისუფლების წარმომადგენლებთან.
