საქართველოსა და ბრაზილიის ფედერაციულ რესპუბლიკას შორის დიპლომატიური ურთიერთობები დამყარდა 1993 წლის 28 აპრილს.
პოლიტიკური დიალოგი, ეკონომიკა, სოფლის მეურნეობა, ენერგეტიკა, კულტურა, განათლება და სპორტი. ბოლო წლებში, ხსენებულ სფეროებში თანამშრომლობამ ახალი დატვირთვა შეიძინა, რამაც ხელი შეუწყო ბრაზილიასა და თბილისში ქვეყნების დიპლომატიური მისიების გახსნამ. კერძოდ, შეინიშნება მსხვილი ბრაზილიელი მწარმოებლების დაინტერესება საქართველოს ბაზრით, არსებობს ენერგეტიკისა და სოფლის მეურნეობის სექტორებში თანამშრომლობის გაღრმავების კარგი პოტენციალი. ბოლო პერიოდის განმავლობაში, ორი ქვეყნის საელჩოების ხელშეწყობით, განხორციელდა კულტურული ღონისძიებები როგორც ბრაზილიაში, ისე საქართველოში. წარმატებით ვითარდება თანამშრომობა დიპლომატიური სწავლებების სფეროში. სამართლებრივი ბაზის ჩამოყალიბების დასრულება ხელს შეუწყობს თანამშრომლობის გაღრმავებას ზემოთ ხსენებული მიმართულებებით.
ბოლო წლების განმავლობაში, მხარეებს შორის განხორციელდა არაერთი მაღალი დონის ვიზიტი როგორც აღმასრულებელ, ისე საკანონმდებლო დონეზე.
ბრაზილიის ფედერაციული რესპუბლიკის საგარეო საქმეთა სამინისტროს ვებ-გვერდი
2023 წლის 2 თებერვალს, საქართველოს საგარეო საქმეთა მინისტრი, ილია დარჩიაშვილი შეხვდა საქართველოში ბრაზილიის ფედერაციული რესპუბლიკის საგანგებო და სრულუფლებიან ელჩს, ოსვალდო ბიატო ჯუნიორს. შეხვედრის ფარგლებში საუბარი შეეხო ორმხრივი ურთიერთობების მიმდინარე საკითხებსა და სამომავლო პერსპექტივებს. ხაზი გაესვა პოლიტიკური დიალოგის გაგრძელებისა და საერთო ინტერესის სფეროებში თანამშრომლობის გააქტიურების მნიშვნელობას.
მხარეები მიესალმნენ საქართველოსა და ბრაზილიას შორის დიპლომატიური ურთიერთობების დამყარების 30 წლისთავს, გამოთქვეს მზადყოფნა აქტიურად იმუშაონ ორმხრივ ურთიერთობებში პრიორიტეტული მიმართულებების იდენტიფიცირების კუთხით და სწორედ ამაზე დაფუძნებით შეუწყონ ხელი თანამშრომლობის შემდგომ გაღრმავებას.
5 სექტემბერს საქართველოსა და ბრაზილიის ფედერაციული რესპუბლიკის საგარეო საქმეთა სამინისტროებს შორის, ვირტუალურ ფორმატში, ორმხრივი პოლიტიკური კონსულტაციების მეხუთე რაუნდი გაიმართა. საქართველოს მხრიდან კონსულტაციებს საგარეო საქმეთა მინისტრის პირველი მოადგილე, ლაშა დარსალია უძღვებოდა, ხოლო ბრაზილიის მხრიდან - საგარეო საქმეთა მინისტრის მოადგილე, მარია ლუისა ესკორელ დე მორაეში.
