2025 წლის 3 ივნისს, საგარეო საქმეთა მინისტრის მოადგილე, გიორგი ზურაბაშვილი საქართველოში ბულგარეთის რესპუბლიკის საგანგებო და სრულუფლებიან ელჩს, ვესელინ ვალკანოვს შეხვდა.

2025 წლის 3 ივნისს, საქართველოსა და თურქეთის რესპუბლიკის საგარეო საქმეთა სამინისტროებს შორის პოლიტიკური კონსულტაციების ფარგლებში, საგარეო საქმეთა მინისტრმა, მაკა ბოჭორიშვილმა შეხვედრა გამართა თურქეთის საგარეო საქმეთა მინისტრის მოადგილესთან, ელჩ ბერის ექინჯისთან.

2025 წლის 2 ივნისს, თბილისში გაიმართა ჟენევის საერთაშორისო მოლაპარაკებების 64-ე რაუნდის მოსამზადებელი შეხვედრა მოლაპარაკებების თანათავმჯდომარეებთან ევროკავშირიდან, გაეროდან და ეუთოდან. საქართველოს მხრიდან შეხვედრას ხელმძღვანელობდა საგარეო საქმეთა მინისტრის მოადგილე და ჟენევის საერთაშორისო მოლაპარაკებებში საქართველოს დელეგაციის ხელმძღვანელი ლაშა დარსალია.

2025 წლის 23-25 მაისს, საქართველოს დელეგაცია საგარეო საქმეთა მინისტრის მოადგილის, ლაშა დარსალიას ხელმძღვანელობით ეკვადორის რესპუბლიკაში ვიზიტით იმყოფებოდა ქვეყნის არჩეული პრეზიდენტის, დანიელ ნობოა ასინის ინაუგურაციის ცერემონიაზე დასწრების მიზნით.

🇬🇪🇻🇦30 მაისს, საქართველოს ახლადდანიშნულმა ელჩმა ვატიკანში, ბატონმა დავით მექვაბიშვილმა, რწმუნებათა სიგელების ასლები გადასცა წმინდა საყდრის სახელმწიფო მდივნის მოადგილეს ზოგად საკითხებში, მთავარეპისკოპოს ედგარ პენია პარას. 📜 სიგელების გადაცემის შემდეგ გაიმართა გაცნობითი ხასიათის შეხვედრა, რომლის ფარგლებში მხარეებმა მიმოიხილეს საქართველოსა და წმინდა საყდარს შორის არსებული ურთიერთობები და მათი შემდგომი გაღრმავების პერსპექტივები.

2025 წლის 28 მაისს, იტალიის რესპუბლიკის საგარეო საქმეთა და საერთაშორისო თანამშრომლობის სამინისტროში გაიმართა ორმხრივი პოლიტიკური კონსულტაციების მორიგი რაუნდი საქართველოსა და იტალიის საგარეო უწყებებს შორის. საქართველოს მხრიდან კონსულტაციებს უძღვებოდა საგარეო საქმეთა მინისტრის მოადგილე გიორგი ზურაბაშვილი, ხოლო იტალიის მხრიდან - მინისტრის პირველი მოადგილე ედმონდო ჩირიელი.