ლაშა დარსალია საქართველოში დომინიკელთა რესპუბლიკის ელჩს შეხვდა
2026 წლის 26 მარტს, საქართველოს საგარეო საქმეთა მინისტრის მოადგილემ, ლაშა დარსალიამ შეხვედრა გამართა თბილისში სამუშაო ვიზიტით მყოფ, დომინიკელთა რესპუბლიკის ელჩთან (რეზიდენციით ქ. ანკარა), ელვის ანტონიო ალამ ლორასთან.
შეხვედრაზე მხარეებმა აღნიშნეს საქართველოსა და დომინიკელთა რესპუბლიკას შორის არსებული მეგობრული ურთიერთობები და მიმოიხილეს პარტნიორობის შემდგომი განვითარების პერსპექტივები.
საუბარი შეეხო ორმხრივი და მრავალმხრივი თანამშრომლობის აქტუალურ საკითხებს, მათ შორის, პოლიტიკური კონსულტაციების გამართვის მნიშვნელობას. განსაკუთრებული ყურადღება დაეთმო სავაჭრო-ეკონომიკური ურთიერთობების გაძლიერების მიზნით არსებული პოტენციალის მაქსიმალურად ათვისების აუცილებლობას.
ყურადღება გამახვილდა საერთაშორისო ორგანიზაციების ფარგლებში არსებულ თანამშრომლობაზე; მინისტრის მოადგილემ მადლობა გადაუხადა დომინიკელთა რესპუბლიკის ელჩს საქართველოსათვის მნიშვნელოვანი რეზოლუციების მხარდაჭერისათვის.