იაპონიის საპარლამენტო დელეგაცია საქართველოს ეწვია
2023 წლის 1 აგვისტოს, იაპონიის საპარლამენტო დელეგაცია, იაპონიის წარმომადგენლობითი პალატის მუდმივი კომიტეტის თავჯდომარის ჰიდეო ონიშის ხელმძღვანელობით საქართველოს ეწვია.
Accessibility
Contrast
Saturation
Highlight Links
Cursor
Disable animations
Text Reader
To use the text reader on the site, download the program.
იაპონია
დიპლომატიური ურთიერთობების ქრონოლოგია
საქართველოსა და იაპონიას შორის დიპლომატიური ურთიერთობები დამყარდა 1992 წლის 3 აგვისტოს.
თანამშრომლობის ძირითადი სფეროები
საქართველოსა და იაპონიას შორის ურთიერთობები ორმხრივ და მრავალმხრივ ფორმატში დინამიურად ვითარდება. მხარეები აქტიურად თანამშრომლობენ პოლიტიკურ, სავაჭრო-ეკონომიკურ, საინვესტიციო, ინფრასტრუქტურის, ჯანდაცვის, სოფლის მეურნეობის, ახალი ტექნოლოგიების დანერგვის, კულტურის, საგანმანათლებლო, საინფორმაციო ტექნოლოგიებისა და ტურიზმის სფეროებში. ორი ქვეყნის საგარეო უწყებებს შორის ტარდება რეგულარული პოლიტიკური კონსულტაციები, რაც მნიშვნელოვნად უწყობს ხელს ორმხრივი თანამშრომლობის გაღრმავებას; რეგულარულად ხორციელდება მაღალი დონის ვიზიტები, ბიზნეს ფორუმები და კულტურული ღონისძიებები.
იაპონიის მთავრობის დახმარების პროგრამის (ODA) ფარგლებში, იაპონიის მხარის მიერ საქართველოში განხორციელდა მრავალი საგრანტო დახმარების პროგრამა, რომელიც მოიცავდა ქვეყნის ეკონომიკის სასიცოცხლოდ მნიშვნელოვანი დარგების რეაბილიტაციასა და განვითარებას. აღნიშნული პროგრამის ფარგლებში, იაპონიის ტექნიკური თანამშრომლოს სააგენტოს (JICA) მეშვეობით, იაპონიის მხარის მიერ ხორციელდება ტექნიკური თანამშრომლობის დახმარების პროგრამები, არასაპროექტო გრანტებისა და შეღავათიანი სესხების გამოყოფა. იაპონიის მხარის ხელშეწყობით ხორციელდება პროექტები ინფრასტრუქტურის, ჯანდაცვის, გარემოს დაცვის, სოფლის მეურნეობის, რეგიონული განვითარების, განათლებისა და სხვა სფეროებში. იაპონიის ODA-ის ფარგლებში, იაპონიის მხარე ასევე აქტიურად ახორციელებს გრასრუტების საგრანტო პროექტებს, რომელიც ორი მიმართულებით მიმდინარეობს: გრასრუტების და ადამიანთა უსაფრთხოების პროექტები (GCP) და გრასრუტების და კულტურული დახმარების პროექტები (GCCP). აღნიშნული პროგრამების მეშვეობით, განხორციელდა საბავშვო ბაღების, საავადმყოფოების, სკოლების და სხვა დაწესებულებებების შენობათა რეაბილიტაცია და შესაბამისი ტექნიკური აღჭურვილობის შეძენა.
JICA-ს ტექნიკური თანამშრომლობის პროგრამის ფარგლებში საქართველოს საჯარო მოხელეებს ყოველწლიურად შესაძლებლობა ეძლევათ მონაწილეობა მიიღონ სხვადასხვა სფეროში ორგანიზებულ სასწავლო პროგრამებში, მათ შორის იაპონური ენის შესწავლის მიზნით ორგანიზებულ კურსებში.
მხარეები ასევე აქტიურად თანამშრომლობენ სუამ-იაპონიის ფორმატის ფარგლებში.
ბმულები
დაკავშირებული სიახლეები
ილია დარჩიაშვილი საქართველოში იაპონიის ელჩს შეხვდა
2023 წლის 27 ოქტომბერს საქართველოს საგარეო საქმეთა მინისტრმა, ილია დარჩიაშვილმა, შეხვედრა გამართა საქართველოში იაპონიის საგანგებო და სრულუფლებიან ელჩთან, იშიძუკა ჰიდეკისთან. შეხვედრაზე მხარეებმა განიხილეს ორმხრივი ურთიერთობების სხვადასხვა აქტუალური საკითხი. განსაკუთრებული ყურადღება დაეთმო საქართველოს სტაბილური საინვესტიციო პოტენციალის გამოყენების შესაძლებლობებს.
ალექსანდრე ხვთისიაშვილი იაპონიის ელჩს შეხვდა
2023 წლის 7 თებერვალს საქართველოს საგარეო საქმეთა მინისტრის მოადგილემ, ალექსანდრე ხვთისიაშვილმა, შეხვედრა გამართა საქართველოში იაპონიის საგანგებო და სრულუფლებიან ელჩთან, იმამურა აკირასთან.
საქართველოში იაპონიის ელჩმა ალექსანდრე ხვთისიაშვილს რწმუნებათა სიგელის ასლი გადასცა
2023 წლის 20 ივნისს, საქართველოში იაპონიის საგანგებო და სრულუფლებიანმა ელჩმა, იშიძუკა ჰიდეკიმ რწმუნებათა სიგელის ასლი გადასცა საქართველოს საგარეო საქმეთა მინისტრის მოადგილეს, ალექსანდრე ხვთისიაშვილს.
