ალექსანდრე ხვთისიაშვილმა შეხვედრა გამართა საქართველოში საუდის არაბეთის ელჩთან
2025 წლის 30 აპრილს, საგარეო საქმეთა მინისტრის მოადგილემ, ალექსანდრე ხვთისიაშვილმა შეხვედრა გამართა საქართველოში საუდის არაბეთის ელჩთან სალმან აბდულრაჰმან ალ ალშეიხთან (Mr. Salman A.I. Al Alsheikh).
შეხვედრის ფარგლებში, მხარეებმა განიხილეს ქვეყნებს შორის ურთიერთობების ძირითადი მიმართულებები. კმაყოფილებით აღნიშნეს, საქართველოსა და საუდის არაბეთს შორის თანამშრომლობის განვითარების კარგი დინამიკა როგორც ორმხრივ, ისე მრავალმხრივ ფორმატებში.
შეხვედრაზე ყურადღება გამახვილდა სავაჭრო-ეკონომიკური ურთიერთობების განვითარების პერსპექტივებზე, ხაზი გაესვა მაღალი და უმაღლესი დონის ვიზიტების განხორციელების მნიშვნელობას. აღინიშნა ხალხთაშორისი კონტაქტების გააქტიურების საკითხი და ამ კუთხით საქართველოში საუდის არაბეთის სამეფოს ტურისტების მზარდი დინამიკა.
შეხვედრაზე ასევე განხილული იქნა 2024 წლის ბოლოს ჩამოყალიბებული „საქართველოსა და საუდის არაბეთის სამეფოს შორის საკოორდინაციო საბჭოს“ პირველი სხდომის ჩატარების მოსამზადებელი სამუშაოები.
მხარეებმა აგრეთვე გაცვალეს ინფორმაცია რეგიონში არსებული გამოწვევებისა და უსაფრთხოების საკითხების შესახებ.
