ილია დარჩიაშვილმა გამოსამშვიდობებელი შეხვედრა გამართა ჩეხეთის რესპუბლიკის ელჩთან
2023 წლის 25 ივლისს, საგარეო საქმეთა მინისტრმა, ილია დარჩიაშვილმა გამოსამშვიდობებელი შეხვედრა გამართა ჩეხეთის რესპუბლიკის ელჩთან პეტრ მიკისკასთან.
Accessibility
Contrast
Saturation
Highlight Links
Cursor
Disable animations
Text Reader
To use the text reader on the site, download the program.
ჩეხეთის რესპუბლიკა
საკონსულო განყოფილება
საკონსულოში მოქალაქეთა მიღება წარმოებს 10:00 საათიდან 13:00 საათამდე (შაბათ/კვირის და უქმე/დასვენების დღეების გარდა) მხოლოდ წინასწარი ჩაწერის გზით. ვიზიტის ჩასანიშნად ეწვიეთ ვებ-გვერდს: www.geoconsul.gov.ge საკონსულო საკითხებზე კონსულტაციის მისაღებად შეგიძლიათ დაუკავშირდეთ საკონსულოს შემდეგ ნომერზე: (+420) 233 311 713. გადაუდებელი დახმარების შემთხვევაში 24-საათიან რეჟიმში ფუნქციონირებს ცხელი ხაზი: (+420) 777 222 053.
ურთიერთობები საქართველოსა და ჩეხეთის რესპუბლიკას შორის
საქართველოსა და ჩეხეთის რესპუბლიკას შორის დიპლომატიური ურთიერთობები დამყარდა 1993 წლის 1 იანვარს.
2000 წელს საქართველოში გაიხსნა ჩეხეთის საელჩო.
2006 წელს ჩეხეთის რესპუბლიკაში გაიხსნა საქართველოს საელჩო.
თანამშრომლობის ძირითადი სფეროები
საქართველოსა და ჩეხეთის რესპუბლიკას შორის ორმხრივი ურთიერთობები დინამიურად ვითარდება როგორც ორმხრივ ფორმატში, ასევე საერთაშორისო ორგანიზაციების ფარგლებში. ორ ქვეყანას შორის არსებული სამართლებრივი ბაზა მოიცავს ათამდე საერთაშორისო ხელშეკრულებას, რომელთა მეშვეობით რეგულირდება ეკონომიკის, ფინანსების, თავდაცვისა და უსაფრთხოების, კულტურის, განათლების, მეცნიერების, სპორტის და სხვა სფეროებში არსებული ურთიერთობები.
წარმატებით მიმდინარეობს თანამშრომლობა ორი ქვეყნის საკანონმდებლო ორგანოებს შორის. რეგულარულად იმართება შეხვედრები კომიტეტების დონეზე. ფუნქციონირებს საპარლამენტთაშორისო მეგობრობის ჯგუფები. მიღებული რეზოლუციებითა თუ დეკლარაციებით, ჩეხეთის პარლამენტს არაერთხელ დაუფიქსირებია საქართველოს სუვერენტიტეტის, ტერიტორიული მთლიანობის და ევროპული მისწრაფებების მტკიცე მხარდაჭერა.
საქართველო ჩართულია ჩეხეთის საგარეო საქმეთა სამინისტროს განვითარების დახმარების პროგრამაში (ODA), რომლის ფარგლებში ხორციელდება პროექტები ჯანდაცვის, გარემოს დაცვის, სოფლის მეურნეობის, ეფექტური მმართველობისა და სამოქალაქო საზოგადოების განვითარების სფეროებში.
წარმატებით ვითარდება ურთიერთობები ეკონომიკის, ენერგეტიკის, ტურიზმის სფეროებში. ჩეხური კომპანიები აქტიურად ახორციელებენ ინვესტიციებს საქართველოში. ეკონომიკური კავშირების დინამიურ განვითარებაზე მეტყველებს ბოლო წლებში ჩატარებული ბიზნეს-ფორუმები და ეკონომიკური კომისიის სხდომები. მზარდი მაჩვენებლით ხასიათდება ჩეხეთიდან შემოსულ ვიზიტორთა რიცხვი, რასაც ორ ქვეყანას შორის მოქმედი პირდაპირი ფრენებიც უწყობს ხელს.
აქტიურია თანამშრომლობა განათლების სფეროში. ჩეხეთის მთავრობის მიერ გამოყოფილი სტიპენდიებით ქართველი სტუდენტები განათლებას იღებენ ჩეხეთის უმაღლეს სასწავლებლებში.
2015 წელს ჩეხეთის კარლის უნივერსიტეტში დაარსდა ქართული ენისა და კულტურის შემსწავლელი ცენტრი და „ქართული ენისა და კულტურის ისტორიის“ საგანი ოფიციალურად შევიდა სასწავლო პროგრამაში.
ქართული კულტურის პოპულარიზაციის მიზნით, ჩეხეთში რეგულარულად იმართება სხვადასხვა ღონისძიება.
თბილისში მდებარეობს ჩეხეთის ყოფილი პრეზიდენტის, ვაცლავ ჰაველის სახელობის სკვერი.
დაძმობილებულია აბაშის მუნიციპალიტეტი და ქალაქი იევიჩკო.
ბმულები
ჩეხეთის საგარეო საქმეთა სამინისტრო
დაკავშირებული სიახლეები
ალექსანდრე ხვთისიაშვილი ჩეხეთის რესპუბლიკის ახლადდანიშნულ ელჩს შეხვდა
2023 წლის 11 აგვისტოს ჩეხეთის რესპუბლიკის ახლადდანიშნულმა ელჩმა, პეტრ კუბერნატმა რწმუნებათა სიგელების ასლები გადასცა საქართველოს საგარეო საქმეთა მინისტრის მოადგილეს, ალექსანდრე ხვთისიაშვილს, რის შემდგომაც გაიმართა გაცნობითი ხასიათის შეხვედრა. მინისტრის მოადგილემ ჩეხ დიპლომატს მიულოცა ელჩის თანამდებობაზე დანიშვნა და საქართველოში სამომავლო საქმიანობაში წარმატებები უსურვა.
საგარეო საქმეთა მინისტრის მოადგილემ მონაწილეობა მიიღო ჩეხეთის სახელმწიფოებრიობის დღისადმი მიძღვნილ ღონისძიებაში
2023 წლის 26 სექტემბერს, საგარეო საქმეთა მინისტრის მოადგილემ, ვლადიმერ კონსტანტინიდიმ ჩეხეთის სახელმწიფოებრიობის დღისადმი მიძღვნილ ღონისძიებაში მიიღო მონაწილეობა და ჩეხ ხალხს ეს მნიშვნელოვანი თარიღი მიულოცა.
