2025 წლის 23 აპრილს,  საგარეო საქმეთა მინისტრის მოადგილემ, ალექსანდრე ხვთისიაშვილმა და საქართველოს პარლამენტის საპროცედურო საკითხთა და წესების კომიტეტის თავმჯდომარემ, დავით მათიკაშვილმა შეხვედრა გამართეს თურქმენეთის მეჯლისის დელეგაციასთან, რომელსაც ხელმძღვანელობდა საქართველოსთან მეგობრობის ჯგუფის თავმჯდომარე, ანამუხამეტ სარჯაევი.

2025 წლის 23 აპრილს საქართველოს საგარეო საქმეთა მინისტრმა მაკა ბოჭორიშვილმა მიიღო ბურუნდის, ლესოტოს, ნეპალისა და ქუვეითის მუდმივი წარმომადგენლები გაეროსთან, რომლებიც საქართველოს 21-27 აპრილის პერიოდში სტუმრობენ. მინისტრი მიესალმა ელჩების ვიზიტს საქართველოში და ხაზი გაუსვა ამგვარი ვიზიტების პოზიტიურ მნიშვნელობას.

„ეუთოს გენერალური მდივნის ვიზიტი საქართველოში მნიშვნელოვანი გზავნილი და ნაბიჯია“ - განაცხადა საქართველოს საგარეო საქმეთა მინისტრმა მაკა ბოჭორიშვილმა ეუთოს გენერალურ მდივანთან, ფერიდუნ სინირლიოღლუსთან შეხვედრის შემდეგ გაკეთებულ განცხადებაში. მისი თქმით აღნიშნული ვიზიტი და გენერალურ მდივანთან გამართული რამდენიმე შეხვედრა ხაზს უსვამს ეუთო-სთან თანამშრომლობის მნიშვნელობას.

საქართველოს ვიზიტით ეუთოს გენერალური მდივანი ფერიდუნ სინირლიოღლუ ეწვია.

სლოვაკეთის რესპუბლიკაში, ირლანდიასა და მალაიზიაში საქართველოს ახალი ელჩები ჰყავს.

2025 წლის 17 აპრილს, საქართველოს საგარეო საქმეთა მინისტრის, მაკა ბოჭორიშვილის,  სომხეთის რესპუბლიკის საგარეო საქმეთა მინისტრის, არარატ მირზოიანისა და აზერბაიჯანის რესპუბლიკის საგარეო საქმეთა მინისტრის, ჯეიჰუნ ბაირამოვის ინიციატივით, თბილისში გაიმართა საქართველოს, სომხეთის რესპუბლიკისა და აზერბაიჯანის რესპუბლიკის სამმხრივი შეხვედრა საგარეო საქმეთა მინისტრის მოადგილეების დონეზე.